ԼՈՒՍԱՆԿԱՐՆԵՐ. Ամազոնի ջրի մակարդակը ռեկորդային նվազել է, սատկել են հարյուրավոր դելֆիններ և ձկներ

Ամազոնը՝ Հարավային Ամերիկայի ամենամեծ գետը, հսկայական ազդեցություն ունի ողջ տարածաշրջանի կյանքի վրա: Ծայրահեղ շոգի և երաշտի պատճառով Ամազոնի, նրա վտակների և այս գետով սնուցվող լճերի ջրի մակարդակը ռեկորդային մակարդակի է իջել դիտարկումների ողջ պատմության ընթացքում: 

Ջրի նվազումը և բարձր ջերմաստիճանը հանգեցրել է Թեֆե լճում ձկների և հարյուրավոր դելֆինների զանգվածային մահվան: Ջրի մակարդակի անկումը դժվարացնում է նավարկությունը, իսկ Ամազոնին մոտ ապրող մարդիկ, որոնց եկամտի հիմնական աղբյուրը ձկնորսությունն է, գտնվում են ծանր վիճակում: 

Գիտնականների կարծիքով, այն, ինչ կատարվում է Ամազոնի հետ, մարդածին ազդեցության պատճառով կլիմայի գլոբալ փոփոխության դրսևորումներից մեկն է:

[5a8cc049a63780a743d7ddd710dae03b.png]

[80f8b7e0e5c2bb74ed7e79ee4d6c07a5.png]

[3528e2eebb3cceca9a917d45706e9e44.png]