Արմեն Գրիգորյանը մեկնել է Թեհրան

Հայաստանի Անվտանգության խորհրդի քարտուղար Արմեն Գրիգորյանը կիրակի մեկնել է Թեհրան՝ հանդիպելու իրանցի պաշտոնյաների, այդ թվում՝ Իրանի ազգային անվտանգության բարձրագույն խորհրդի քարտուղար գեներալ Ալի-Աքբար Ահմադիանի հետ: Այս մասին հայտնում է Mehr գործակալությունը։

Հայ պաշտոնյայի այցի օրակարգում է տարածաշրջանում վերջին զարգացումների և երկկողմ հարաբերությունների, հատկապես տնտեսական և ենթակառուցվածքային ոլորտների քննարկումը։

Իրանի Իսլամական Հանրապետությունը մշտապես հայտարարել է տարածաշրջանային խաղաղության և կայունության համար հարևան և տարածաշրջանային երկրների հետ համագործակցելու իր պատրաստակամության մասին, նկատում է գործակալությունը։