Տեղեկությունը, թե պայթյունի հետևանքով զոհվածների 125 աճյուն է տեղափոխվել ՀՀ չի համապատասխանում իրականությանը․ ՀՀ ԱՀ
ՀՀ առողջապահության նախարարությունը պարզաբանում է հրապարակել։
«Թյուրընկալումից խուսափելու համար հայտնում ենք, որ մի շարք լրատվամիջոցներում հրապարակված տեղեկությունը, որ «պայթյունի հետևանքով զոհվածների 125 աճյուն է տեղափոխվել Հայաստան» չի համապատասխանում իրականությանը։
«Հումանիտար կենտրոնի» տաղավարում Առողջապահության նախարար Անահիտ Ավանեսյանը հայտնել է ԼՂ-ից Հայաստան տեղափոխված աճյունների ընդհանուր թիվը»,- ասվում է հաղորդագրության մեջ։
Հիշեցնենք՝ ավելի վաղ հայտնել էինք, որ առողջապահությա նախարար Անահիտ Ավանեսյանի փոխանցմամբ 125 զոհվածի աճյուն Արցախից տեղափոխվել է Հայաստան։
