«Խաղաղության պայմանագիրը 5 կետ կպարունակի». Ամիրբեկով

Եվլախի բանակցությունները կարող են հանգեցնել Բաքվի և Երևանի միջև խաղաղության պայմանագրի կնքմանը, պայմանագրի նախագիծն արդեն փոխանցվել է Հայաստանին, Sky News Arabia հեռուստաալիքի եթերում հայտարարել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը:

«Հանդիպմանը քննարկվել են Ղարաբաղի հայերի վերաինտեգրման ձևաչափերը ... կարծում ենք, որ այդ երկխոսությունը կարող է դրական ազդեցություն ունենալ Հայաստանի և Ադրբեջանի միջև խաղաղ գործընթացի վրա։ Երկու երկրները սկսել են քննարկել խաղաղության պայմանագիրը, որը կարող է վերջ դնել տասնամյակների ճգնաժամին և թշնամանքին», - ասել է Ամիրբեկովը։

Նրա խոսքով ՝ երկրների միջեւ խաղաղության պայմանագիրը միջազգային իրավունքի հիման վրա հինգ կետ կպարունակի, մասնավորապես, երկու երկրները պարտավոր կլինեն չմիջամտել միմյանց գործերին: 

«Մենք հայկական կողմին ենք փոխանցել խաղաղության համաձայնագրի նախագիծը, սպասում ենք նրանց արձագանքին», - հայտարարել է Ամիրբեկովը: Նրա խոսքով՝ Ղարաբաղի հայերի հետ առանձին համաձայնագիր չի պահանջվում։