ՏԵՍԱՆՅՈՒԹ. «Նպատակը Հայաստանին ռազմական գործողությունների մեջ ներքաշելն է». Փաշինյան
Վարչապետ Նիկոլ Փաշինյանն իր ուղերձում տեղեկացրել է, որ Հայաստանի սահմանների երկայնքով իրադրությունը հարաբերականորեն կայուն է.
«Այս գործողության հիմնական և առանցքային թիրախը և նպատակը Հայաստանին ռազմական գործողությունների մեջ ներքաշելն է»,- ասել է նա։
Ըստ Փաշինյանի՝ միջազգային գործընկերները Հայաստանին ու Ադրբեջանին կոչ են անում դադարեցնել ռազմական գործողությունները, այնինչ Հայաստանը ռազմական գործողությունների մեջ ներքաշված չէ․
«Ուզում եմ հերթական անգամ արձանագրել, որ ՀՀ-ն ԼՂ-ում բանակ չունի»։
Նա հանրության ուշադրությունը հրավիրեց ներքին ու արտաքին ուժերի վրա, որոնք, իր ձևակերպմամբ, ուզում են Հայաստանը ներքաշել լայնածավալ ռազմական գործողությունների մեջ.
«Դա տեսանելի է, և մենք մեր դիրքորոշմամբ արձանագրում ենք, որ ՀՀ-ին ռազմական էսկալացիայի մեջ ներքաշելու փորձերն անընդունելի են, և մենք կառավարելու ենք այս գործընթացը»։
