Սպասում ենք, որ Հայաստանը կատարի իր խոստումները. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, թե աջակցում է Ադրբեջանին:

«Ի սկզբանե աջակցել ենք Ադրբեջանի և Հայաստանի միջև բանակցային գործընթացին։ Սակայն տեսնում ենք, որ Հայաստանն այս պատմական հնարավորությունը բավականաչափ չի գնահատում։ Սպասում ենք, որ Հայաստանը կատարի իր խոստումները՝ Զանգեզուրի միջանցքի բացման ուղղությամբ։
 

Ինչպես արդեն բոլորն են ընդունում, Ղարաբաղն ադրբեջանական հող է։ Դրանից դուրս որևէ կարգավիճակի պարտադրումը երբեք չի ընդունվելու։ Մեր առաջնային նպատակն է, որ բոլորը, այդ թվում՝ հայերն Ադրբեջանի տարածքներում կողք-կողքի ապրեն խաղաղության պայմաններում։ Աջակցում ենք Ադրբեջանի՝ իր տարածքային ամբողջականության պահպանմանն ուղղված քայլերին, որի հետ գործում ենք «մեկ ազգ, երկու պետություն» կարգախոսով»,- նշել է Էրդողանը։

Իր հերթին, Թուրքիայի արտաքին գործերի նախարարությունը արդարացրել և աջակցություն է հայտնել Ադրբեջանի գործողությունները Լեռնային Ղարաբաղում՝ դրանք բացատրելով որպես հարկադիր միջոցներ։

Նախարարությունում նաև հավելել են, որ «Ադրբեջանը ստիպված է եղել միջոցներ ձեռնարկել, որոնք անհրաժեշտ է համարում «իր ինքնիշխան տարածքում»։