Ասկերանի, Մարտակերտի, Մարտունու, Շուշիի շրջաններից տարհանվել է ավելի քան 7000 մարդ. Արցախի ՄԻՊ
Լեռնային Ղարաբաղի Ասկերանի, Մարտակերտի, Մարտունու, Շուշիի շրջանների 16 քաղաքացիական համայնքներից տարհանվել է ավելի քան 7000 մարդ։ Այս մասին X-ի իր միկրոբլոգում հայտնել է ԼՂ Մարդու իրավունքների պաշտպան Գեղամ Ստեփանյանը:
Ավելի վաղ ԼՂ նախկին պետնախարար Արտակ Բեգլարյանն անդրադարձել էր Ադրբեջանի ագրեսիայի հետևանքով տարհանվածների թվի վերաբերյալ գնահատականներին:
«Իմ կոպիտ և ոչ պաշտոնական գնահատականը ցույց է տալիս, որ ավելի քան 4000 արցախցիներ տարհանվել են իրենց համայնքներից ադրբեջանական ցեղասպանական ագրեսիայի պատճառով։
Վեց համայնք ամբողջությամբ տարհանվել է, մյուսները՝ մասնակի։ Թիվն ավելանում է»,- գրել է նա X-ի իր միկրոբլոգում։
