Ուկրաինայում պաշտպանության նախարարի բոլոր տեղակալներն ազատվել են աշխատանքից
Ուկրաինայի կառավարությունը պաշտոնից հեռացրել է պաշտպանության նախարարի բոլոր տեղակալներին և նախարարության պետքարտուղարին: Այս մասին Telegram-ում հայտնել է Գերագույն Ռադայում երկրի կառավարության ներկայացուցիչ Տարաս Մելնիչուկը։
Նրա խոսքով՝ Ուկրաինայի պաշտպանության փոխնախարարներ Վլադիմիր Գավրիլովը, Ռոստիսլավ Զամլինսկին, Աննա Մալյարը, Անդրեյ Շևչենկոն և Դենիս Շարապովը կորցրել են իրենց դիրքերը։
Բացի այդ, աշխատանքից ազատվել են երկրի պաշտպանության նախարարության թվային զարգացման, թվային փոխակերպման և թվայնացման գծով տեղակալ Վիտալի Դեյնեգան, ինչպես նաև նախարարության պետքարտուղար Կոնստանտին Վաշչենկոն։
