Մասկը քննադատել է Ուկրաինայի զինված ուժերի հակահարձակումը

Գործարար Էլոն Մասկը քննադատել Է Ուկրաինայի Զինված ուժերի հակահարձակումը ՝ նշելով, որ Կիևը չափազանց շատ մարդ է կորցրել, բայց շատ քիչ տարածքներ է ձեռք բերել: Այս մասին միլիարդատերը գրել է X (նախկինում ՝ Twitter) սոցցանցում։ 

Մասկը պատասխանել է գործարար Դևիդ Սաքսի գրառումների շարքին, որը դեռ հունիսին սկսել էր գրել այն մասին, որ ուկրաինական հակահարձակումը «չի հասնում ի սկզբանե հայտարարված նպատակներից ոչ մեկին»: 

Վերջին գրառման մեջ Սաքսը քարտեզ է հրապարակել՝ «Ուկրաինական տարածքային հաջողություններն իրենց այդքան սպասված հակահարձակման արդյունքում այնքան աննշան են, որ դրանք հազիվ են երևում քարտեզի վրա» մակագրությամբ։ 

Այս գրառմանը Մասկն արձագանքել է հետևյալ խոսքերով. «այնքան շատ մահեր կան նման մանրուքի համար»: 

[de055707f397b5e2761f4c3f7f76e580.jpg]