Փորձագետը զգուշացնում է՝ Ֆեյսբուքում նոր տիպի հարձակում է իրականացվում
Ֆեյսբուքում նոր տիպի հարձակում է իրականացվում: Այս մասին հայտնում է տեղեկատվության անվտանգության փորձագետ Արա Պապյանը։
«Սիրելի Ֆեյսբուքահայեր, սոցցանցում նոր տիպի հարձակում է իրականացվում` նյուզֆիդում տեսնում եք ձեր ընկերների կողմից իբր լայք արված լրատվական հղում, առայժմ հիմնականում ճանապարհային պատահարների թեմայով։
Բացելու դեպքում ձեզանից փորձում են գաղտնաբառ կորզել։ Բացի այդ, երբ ժամանակին գլխի եք ընկնում և փակում հղումը, ձեր ընկերներին երևում է, որ դուք այն հավանել եք»,- գրել է նա՝ հավելելով զգույշ լինել։
