Ո՞վ է ՊՆ բարձրաստիճան պաշտոնյան, ով ձերբակալվել է կաշառք ստանալու համար

Մոտ մեկ ամիս առաջ իր աշխատասենյակից բերման ենթարկված, այնուհետև կալանավորված ՊՆ բարձրաստիճան պաշտոնյան ՀՀ ՊՆ զորակոչային և զորահավաքային համալրման ծառայության Սյունիքի մարզի զորակոչի բաժնի պետ Սմբատ Դադոյանն է։ Այս մասին հայտնում է «Հրապարակ»-ը։

Հիշեցնենք, որ օգոստոսի 15-ին Հակակոռուպցիոն կոմիտեն հայտնեց, որ կաշառք ստանալու համար ձերբակալվել է ՊՆ բարձրաստիճան պաշտոնյան։ Սմբատ Դադոյանին կասկածում են մոտ 23 հազար ԱՄՆ դոլարի դիմաց վերջին մեկ-երկու տարում զորակոչի ենթակա երիտասարդներին զինծառայությունից ազատելու մեջ։ Ըստ նախաքննության մարմնի և մեր աղբյուրի փոխանցած տվյալների՝ Դադոյանը կեղծել է զինակոչիկների առողջական վիճակի մասին տվյալները՝ համագործակցելով բժկական հաստատությունների և բժիշկների հետ։