ՏԵՍԱՆՅՈՒԹ. Լիբիայում ջրհեղեղների հետևանքով զոհերի թիվը գերազանցել է 3000-ը
Լիբիայի արևելյան Դերնա քաղաքում ջրհեղեղների հետևանքով զոհերի թիվը գերազանցել է երեք հազարը, հայտնում է Al-Arabiya հեռուստաալիքը՝ վկայակոչելով խորհրդարանի կողմից լիազորված կառավարության առողջապահության նախարար Ուսման Աբդ ալ Ջալիլին։
Ավելի վաղ Լիբիայում Կարմիր մահիկի ներկայացուցիչը հայտնել էր, որ ավելի քան ինը հազար մարդ անհետ կորել է Դերնայում ջրհեղեղների պատճառով։
«Ջրհեղեղների հետևանքով զոհվածների թիվը գերազանցել է երեք հազարը»,- նախարարի խոսքը մեջբերում է հեռուստաալիքը։
Ինչպես ավելի վաղ հայտնել էինք «Դանիել» ցիկլոնի պատճառով տեղացած հորդառատ անձրևները հեղեղումներ են առաջացրել արևելյան Լիբիայի մի շարք քաղաքներում և բնակավայրերում, այդ թվում՝ Ալ-Բայդա և Դերնա: Հորդառատ անձրեւների պատճառով տարածաշրջանում փակվել են օդանավակայաններն ու ծովային նավահանգիստները։ Երկրի արեւելքում գտնվող Սուս եւ Դերնա քաղաքները հայտարարվել են բնական աղետի գոտիներ։ Ջրհեղեղից տուժած քաղաքներում պարետային ժամ է սահմանվել։
