Համաժողովը վերածվել է «Մյունխենյան կրկեսի». եվրոպացի պաշտոնյաները շփոթված են. Արաղչի

Իրանի արտաքին գործերի նախարար Աբբաս Արաղչին շաբաթ օրը հայտարարել է, որ Գերմանիայում անցկացվող Մյունխենի անվտանգության համաժողովը վերածվում է «Մյունխենյան կրկեսի», երբ խոսքը վերաբերում է Իրանին։

Մյունխենում ընթանում է միջազգային անվտանգության համաժողով։ Իրանի պատվիրակությանը թույլ չեն տվել մասնակցել համաժողովին՝ չնայած 1979 թվականին գահընկեց արված Իրանի շահ Ռեզա Փահլավիի որդու՝ Իրանում անկարգությունների կոչ անող նախկին առաջնորդի ներկայությանը։

«Ցավալի է, որ Մյունխենում անցկացվող սովորաբար լուրջ անվտանգության համաժողովը վերածվում է Մյունխենյան կրկեսի, երբ քննարկվում է Իրանի թեման», - գրել է Արաղչին իր X սոցիալական ցանցի էջում։

Նա նշեց, որ եվրոպացի պաշտոնյաները ներկայումս շփոթված վիճակում են, ինչը պայմանավորված է Իրանում տեղի ունեցող իրադարձությունները հասկանալու իրենց անկարողությամբ։

«Ռազմավարական տեսանկյունից, աննպատակ Եվրամիությունը կորցրել է իր ողջ աշխարհաքաղաքական կշիռը Մերձավոր Արևելքում։ Մասնավորապես, Գերմանիան առաջատար դեր է ստանձնել իր տարածաշրջանային քաղաքականությունն ամբողջությամբ Իսրայելին հանձնելու գործում։ Եվրոպայի ընդհանուր զարգացման ուղղությունը, մեղմ ասած, ծանր վիճակում է և մտահոգության տեղիք է տալիս», - ասաց Արաղչին։