Չինաստանի հետ երկխոսություն չսկսելը աշխարհաքաղաքական սխալ կլինի. Ռուբիո
Չինաստանի հետ երկխոսություն չսկսելը աշխարհաքաղաքական սխալ կլինի։ ԱՄՆ պետքարտուղար Մարկո Ռուբիոն այս մասին հայտարարել է Մյունխենի անվտանգության համաժողովում։
«Չինաստանի հետ երկխոսություն չսկսելը աշխարհաքաղաքական սխալ կլինի։ Մեր ազգային շահերը մեծապես հակասում են։ Միացյալ Նահանգները ակնկալում է, որ յուրաքանչյուր երկիր գործի իր շահերի շրջանակներում, այդ թվում՝ Չինաստանը։ Դիվանագիտության նպատակն է ապահովել երկխոսության խաղաղ և կարգավորված շարունակությունը այն ժամանակ, երբ մեր ազգային շահերը հակասում են», - նշել է Ռուբիոն։
Խոսելով Ռուսաստան-Ուկրաինա պատերազմի մասին՝ ԱՄՆ պետքարտուղարն ասել է, որ չգիտի, թե որքան լուրջ են Ռուսաստանի մտադրությունները պատերազմը դադարեցնելու հարցում։
«Մենք չգիտենք, թե նրանք լուրջ են, թե ոչ։ Նրանք ասում են, որ լուրջ են։ Մենք կշարունակենք հետևել իրադարձություններին», - ընդգծել է ամերիկյան դիվանագիտության ղեկավարը։
