ԼՈՒՍԱՆԿԱՐՆԵՐ. Դադարեցվել է Մ.Հերացի 12 և Ավետ Ավետիսյան 70/7 հասցեների բենզալցակայանների գործունեությունը

ՀՀ քաղաքաշինության, տեխնիկական և հրդեհային անվտանգության տեսչական մարմինը հայտնում է, որ ղեկավարի հանձնարարագրի հիման վրա հրդեհային անվտանգության մասնագետները հրդեհատեխնիկական հետազոտություններ են իրականացրել Երևանի Կենտրոն վարչական շրջանի Մ.Հերացի 12, Արաբկիր վարչական շրջանի  Ավետ Ավետիսյան 70 /7 հասցեներում գտնվող և համապատասխանաբար «ՌԱՆ ՕՅԼ»  և «ՏԻՏԱՆ ՕԻԼ» սահմանափակ պատասխանատվությամբ ընկերությունների կողմից շահագործվող բենզալցակայանների՝ նորմատիվ-տեխնիկական փաստաթղթերի պահանջների նկատմամբ։

Հետազոտության արդյունքում հայտնաբերվել և արձանագրվել են հրդեհային և տեխնիկական անվտանգության նորմատիվ փաստաթղթերի պահանջների այնպիսի խախտումներ, որոնք անմիջական սպառնալիք են մարդկանց կյանքի, առողջության և անվտանգության համար։

Հաշվի առնելով հրդեհային և տեխնիկական անվտանգության պահանջների խախտումների ռիսկայնությունն ու վտանգավորության աստիճանը՝ ՀՀ ՔՏՀԱ տեսչական մարմի ղեկավարի կողմից նշյալ բենզալցակայանների շահագործումը դադարեցնելու որոշումներ են կայացվել։ Տնտեսավարողները պատշաճ ծանուցվել են կայացված որոշումների մասին։ 

Սեպտեմբերի 11-ին  Մ.Հերացի 12  հասցեի («ՌԱՆ ՕՅԼ» ՍՊԸ) բենզալցակայանը շահագործող տնտեսավարողը սեփական ուժերով  բենզալցակայանը ապամոնտաժելու միջոցներ է ձեռնարկել, իսկ  Ավետ Ավետիսյան 70 /7 հասցեում («ՏԻՏԱՆ ՕԻԼ») շահագործվող բենզալցակայանը կապարակնքվել է։

[85811254488f19059830e24557849aa4.jpg]

[908917eb6575068c37ef5500aa1e1754.jpg]

[a52db736681c9637537c1441b4dc2270.jpg]

[ffbb62c2a991c63476e0c32cc1db7b5f.jpg]

[08e5a88c314daf0d1f24f1ddc376faa3.jpg]