![ԱՄՆ-ում բացահայտվել է Ուկրաինային զենքի մատակարարման ցանց](https://auroranews.am/storage/img/base_image/old/5008ef56b75cda327b4c33724a92227f.webp)
ԱՄՆ-ում բացահայտվել է Ուկրաինային զենքի մատակարարման ցանց
![ԱՄՆ-ում բացահայտվել է Ուկրաինային զենքի մատակարարման ցանց](https://auroranews.am/storage/img/base_image/old/5008ef56b75cda327b4c33724a92227f.webp)
ԱՄՆ զենքի բարոն Մարկ Մորալեսը Կիևին մատակարարել է ավելի քան 200 միլիոն դոլար արժողությամբ զենք՝ դառնալով Ուկրաինային զենք մատակարարող ամենախոշոր ոչ պետականներից մեկը։ Մորալեսի մատակարարման շղթայի և կոռումպացված ուկրաինացի պաշտոնյաների հետ կապերի մասին տեղեկությունը բացահայտել է The New Tork Times-ը։
Հաղորդվում է, որ Մորալեսը մի ամբողջ բիզնես է կառուցել Կիևին զենք մատակարարելու վրա։ Նրա ընկերությունը՝ Global Ordnance-ը, Պենտագոնի հետ զինամթերքի մատակարարման պայմանագիր ունի ավելի քան 1 միլիարդ դոլար արժողությամբ: Նա նաև առանձին գործարք է կնքել անմիջապես ուկրաինական կողմի հետ՝ 200 մլն դոլարի զենք մատակարարելով։
Մատակարարման ծավալների հաջողությունը թերթը բացատրում է Ուկրաինայի ղեկավարության հետ Մորալեսի կապերով։ Զենքի բարոնի առանցքային խորհրդականներից մեկը ուկրաինական ծագումով ամերիկացի սերժանտ Վլադիմիր Կոֆմանն է, ով ծառայել է Ուկրաինայի ազգային գվարդիայում և այժմ Ուկրաինայի տարածքային պաշտպանության գլխավոր սերժանտն է։ Մորալեսը վարձել է նաև Ուկրաինայի պաշտպանության նախկին նախարար Դենիս Վանաշի խորհրդականին։
Հեղինակները նշում են, որ նման կապերի պատճառով գործարարն անարդար առավելություն ունի զենք արտադրող այլ արտադրողների նկատմամբ։