200 ժամ` G20-ի առաջնորդների ամփոփիչ հռչակագիրը համաձայնեցնելու համար
Հնդկաստանի G20 շերպա (G20 անդամ երկրի ներկայացուցիչ) Ամիտաբհ Կանտն ասել է, որ Նյու Դելիի գագաթնաժողովում համատեղ առաջնորդների հռչակագրի համաձայնեցումը պահանջել է շուրջ 200 ժամ: Ուկրաինայի վերաբերյալ կետերի շուրջ տարաձայնությունները, նշել է նա, քննարկվել են ինը ամիս, գրում է Kommersant-ը:
«Ոչ ոք իսկապես չէր սպասում, որ մենք կգանք կոնսենսուսի։ Առաջին սեւագրից անցանք երկրորդին... իսկ երրորդին։ Դրանից հետո, կարծում եմ, օգնեցին երկկողմ հանդիպումները յուրաքանչյուր երկրի հետ։ Կարևոր էր յուրաքանչյուր երկրի համար կարմիր գծեր գծել»,- ասել է պարոն Կանտը NDTV-ին տված հարցազրույցում։
Դիվանագետը հավելել է, որ Ռուսաստանի և Չինաստանի հետ բանակցություններ են վարվել հռչակագրի նախագծերի տարբերակների պատրաստումից, ինչպես նաև G7-ի ներկայացուցիչների հետ հանդիպումներից հետո։ Փաստաթղթի վերջնական նախագիծը պատրաստվել է միայն սեպտեմբերի 9-ին։
Եզրափակիչ հռչակագրում G20-ի ղեկավարներն աջակցել են Ուկրաինայում «համապարփակ», «արդար» և «կայուն» խաղաղության հասնելուն։ Տեքստում խոսվում է համաշխարհային, պարենային և էներգետիկ անվտանգության վրա ռազմական գործողությունների բացասական հետևանքների մասին։ Կրկնվում են նաև ՄԱԿ-ի կանոնադրությանը հավատարիմ մնալու և տարածքային ամբողջականությունը հարգելու մասին թեզերը։
Փաստաթուղթը չի դատապարտում Ռուսաստանի կողմից Ուկրաինայում հատուկ ռազմական գործողության անցկացումը։ Այս կետն առկա էր G20-ի կոմյունիկեում 2022 թվականի գագաթնաժողովում: Միևնույն ժամանակ, փաստաթղթում նշվում է «այս հարցի վերաբերյալ այլ կարծիքների» առկայությունը։
Հռչակագրում նաև մտահոգություն է արտահայտվում ողջ աշխարհում պատերազմների ու հակամարտությունների հետևանքների կապակցությամբ։
G20-ի ղեկավարները նաև կոչ են արել ամբողջ ծավալով ապահովել հացահատիկի գործարքը և հասնել առանց սահմանափակումների ՌԴ-ից և Ուկրաինայից պարենաամթերքի և պարարտանյութերի արտահանմանը:
Այս առումով հռչակագիրը բարձր է գնահատում Թուրքիայի ջանքերը և ՄԱԿ-ի օժանդակությամբ կնքված ստամբուլյան համաձայնագրերը, ինչպես նաև կոչ է անում դրանց լիարժեք, ժամանակին և արդյունավետ իրականացմանը՝ Ռուսաստանի Դաշնությունից և Ուկրաինայից հացահատիկի և պարենի անհապաղ և անխոչընդոտ մատակարարումները երաշխավորելու նպատակով։
Ավելի վաղ հայտնել էինք, որ G20-ի առաջնորդների տասնութերորդ գագաթնաժողովը, որն այս տարի անցկացվում է Հնդկաստանի մայրաքաղաք Նյու Դելիում, մեկնարկել է դիմավորման պաշտոնական արարողությամբ:
