Ադրբեջանը գազ կմատակարարի Ուկրաինա մինչև տարեվերջ

Ուկրաինան բանակցություններ է վարում Ադրբեջանի հետ մինչև տարեվերջ գազի մատակարարման պայմանագիր կնքելու համար, հայտարարել է Ուկրաինայի էներգետիկայի նախարար Սվետլանա Գրինչուկը։

Հուլիսի 28-ին «Նավթոգազ Ուկրաինա» ընկերության վարչության ղեկավար Սերգեյ Կորեցկին հայտնեց, որ Ուկրաինան կնքել է Ադրբեջանից գազի ներմուծման առաջին համաձայնագիրը, փորձնական մատակարարումը փոքր ծավալի է և իրականացվում է Տրանսբալկանյան միջանցքով։

«Մենք ներկայումս բանակցություններ ենք վարում: Ադրբեջանը հետաքրքրված է դրանով», – ասել է Գրինչուկը ՌԲԿ-Ուկրաինա գործակալությանը տված մեկնաբանության մեջ:

Ավելի վաղ «Նավթոգազ» ընկերությունների խումբը հայտարարել էր ադրբեջանական SOCAR խմբի մաս կազմող SOCAR Energy Ukraine-ի հետ ադրբեջանական բնական գազի գնման վերաբերյալ առաջին համաձայնագրի ստորագրման մասին։ Մատակարարման երթուղին Անդրբալկանյան գազատարն է՝ Բուլղարիա - Ռումինիա - Ուկրաինա երթուղով: Ըստ տեղեկությունների՝ Ուկրաինա ադրբեջանական գազի մատակարարումն արդեն մեկնարկել է: