Դատախազը 2.6 տարի ժամկետով ազատազրկում պահանջեց Սոնա Մնացականյանի գործով մեղադրյալի համար
Դատախազը 2.6 տարի ժամկետով ազատազրկում պահանջեց Սոնա Մնացականյանի գործով մեղադրյալ Արամ Նավասարդյանի համար։
Իսկ որպես լրացուցիչ պատիժ նշանակել տրանսպորտային միջոցներ վարելու իրավունքից զրկումը՝ 1 տարի ժամկետով։ Դատախազը պահանջեց նախքան դատական վճռի ուժիմեջ մտնելն անփոփոխ թողնել Արամ Նավասարդյանի նկատմամբ կիրառված խափանման միջոցը։
Դարանանը հեռացավ խորհրդակցական սենյակ՝ դատավճիռ կայացնելու։
Հիշեցենենք՝ իշեցնենք, որ ապրիլի 26-ին՝ ժամը 18:05-ի սահմաններում, Պարոնյան-Լեո փողոցների խաչմերուկում ՀՀ ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարն իր կողմից վարած «Տոյոտա Պրադո» մակնիշի ավտոմեքենայով վրաերթի է ենթարկել Արարատի մարզի 28-ամյա բնակչուհուն, որի հետեւանքով ստացած մարմնական վնասվածքներով վերջինս տեղափոխվել է «Նաիրի» բժշկական կենտրոն, որտեղ գիտակցության չգալով՝ մահացել է: Նշված ավտոշարասյունն ուղեկցելիս է եղել վարչապետ Նիկոլ Փաշինյանին, իսկ մահացած կինը հղի է եղել։
Ավելի ուշ՝ Սոնա Մնացականյանին վրաերթի ենթարկած վարորդը՝ Արամ Նավասարդյանը դատական հերթական նիստից մեկի ժամանակ հրաժարվել է պատասխանել լրագրողների հարցերին։ Նա միայն ասել է, որ դատարանի ներկայացրած մեղադրանքը չի ընդունում և իրեն մեղավոր չի համարում։
Սոնա Մնացականյանի հայրն էլ դատարանում 10 մլն դրամ է պահանջել՝ ծախսերի փոխհատուցման համար։
