Կամչատկայում 24 ժամվա ընթացքում գրանցվել է 15 հետցնցում
Կամչատկայում շարունակվում է 8.8 մագնիտուդով երկրաշարժից հետո տեղի ունեցած հետցնցումների գործընթացը. գիտնականները 24 ժամվա ընթացքում գրանցել են 17 սեյսմիկ իրադարձություն: Այս մասին «ՏԱՍՍ»-ին հայտնել են Արտակարգ իրավիճակների նախարարության տարածաշրջանային վարչությունից:
«24 ժամվա ընթացքում գրանցվել է 17 հետցնցում։ Չորս մարդ մնում է ժամանակավոր կացարաններում», - հայտնել է գերատեսչությունը։
Ներկայումս տարածաշրջանում կա յոթ ակտիվ հրաբուխ։ Գիտնականները կարծում են, որ դրանցից մի քանիսը երկրաշարժերի պատճառով են արթնացել։
Հիշեցնենք՝ հուլիսի 30-ի առավոտյան Կամչատկայի ափերի մոտ տեղի ունեցավ հզոր երկրաշարժ։ Այն ամենաուժեղն էր 1952 թվականից ի վեր։ Իշխանությունների տվյալներով՝ դրա ուժգնությունը հասել է 8.8-ի։ Կամչատկայում մտցվել է բարձր մակարդակի տագնապի ռեժիմ։ Ուժեղ երկրաշարժ զգացվել է նաև Սևերո-Կուրիլսկում, որից հետո ցունամի է սկսվել։ Ջրի առավելագույն ցայտքը հասել է մոտ 200 մետրի։ Երկրաշարժը նաև ցունամի է առաջացրել Խաղաղ օվկիանոսում, որի սպառնալիքի մասին հայտարարել են Ճապոնիայի, ԱՄՆ-ի և Ֆիլիպինների իշխանությունները։
