Կարող եք բողոքներ ուղարկել Մոսկվա․ Ուկրաինայի ԱԳՆ-ը պատասխանել է Սիյարտոյի մեղադրանքին

Ուկրաինայի արտաքին գործերի նախարարության ղեկավարը պատասխանել է իր հունգարացի գործընկերոջ հայտարարությանը, որը նախկինում մեղադրել էր Ուկրաինային «Դրուժբա» նավթամուղի վրա հարձակման մեջ։

«Պետրոս, այս պատերազմը սկսել է Ռուսաստանը, այլ ոչ թե Ուկրաինան, և հրաժարվում է այն ավարտել»,- գրել է ուկրաինացի նախարարը X սոցիալական ցանցում։

Սիբիգան ընդգծել է, որ տարիներ շարունակ Հունգարիային ասել են, որ Մոսկվան անվստահելի գործընկեր է, և Բուդապեշտը, չնայած դրան, ամեն ջանք գործադրել է պահպանելու իր կախվածությունը Ռուսաստանից, նույնիսկ լայնածավալ պատերազմի սկսվելուց հետո։

«Հիմա կարող եք բողոքներ և սպառնալիքներ ուղարկել ձեր ընկերներին Մոսկվայում»,- հավելել է դիվանագետը։

Հիշեցնենք, ավելի վաղ հայտնել էինք՝ Ուկրաինայի կողմից նավթատարի վրա հերթական հարձակման պատճառով Հունգարիա նավթի մատակարարումները անորոշ ժամանակով դադարեցվել են։ Այս մասին հայտարարել էր Հունգարիայի արտաքին գործերի նախարար Պետեր Սիյարտոն։