ԲԸՏՄ-ն հաղորդում է ներկայացրել ՀՀ քննչական կոմիտե՝ Դեբեդ գետի աղտոտման դեպքով
Բնապահպանության և ընդերքի տեսչական մարմին օգոստոսի 16-ին ահազանգ է ստացվել Դեբեդ գետի աղտոտման վերաբերյալ։ Այս մասին հաղորդագրություն է տարածել Բնապահպանության և ընդերքի տեսչական մարմինը։
ԲԸՏՄ Լոռու և Տավուշի տարածքային բաժինների տեսուչները աղտոտման հավանական աղբյուրը հայտնաբերելու համար ժամեր շարունակ գետի երկայնքով տարածքի զննման արդյունքում պարզել են, որ Ախթալայի լեռնահարստացման կոմբինատի «Նահատակ» պոչամբար տանող խողովակաշարը վթարվել է, ինչն էլ հանդիսացել է գետի աղտոտման պատճառ։Դեպքի վայրում, գետի տարբեր հատվածներից կատարվել են ջրի ու հողերի նմուշառումներ։ Առերևույթ հանցանքի մասին հաղորդում է ներկայացվել ՀՀ քննչական կոմիտե։
