Սպիտակ տնից հետաքրքրվել են՝ Զելենսկին կոստյումո՞վ կներկայանա, թե՞ ոչ

Ամերիկյան Axios պարբերականի փոխանցմամբ՝ Սպիտակ տունը Ուկրաինայի ղեկավարությունից ճշտել է՝ նախագահ Վլադիմիր Զելենսկին կոստյումո՞վ է ներկայանալու Դոնալդ Թրամփի հետ հանդիպմանը։

Նախորդ հանդիպմանը Զելենսկիի ռազմական հանդերձանքը դժգոհություն էր առաջացրել Թրամփի մոտ և նույնիսկ վերածվել դիվանագիտական սկանդալի։

Այս անգամ ուկրաինացի առաջնորդը պատրաստվում է կրել սև պիջակ։ Ամերիկյան պաշտոնյաները վստահ են, որ մթնոլորտն այդպես շատ ավելի հանգիստ կլինի։

Թրամփի խորհրդականները նշում են, որ Զելենսկին ավելի արդյունավետ է դարձել իր մոտեցումներում, իսկ այս հանդիպումը կարող է տարբեր լինել նաև նրանով, որ Զելենսկիի կողքին կլինեն եվրոպացի ղեկավարներ։