Նյու Դելիում մեկնարկել Է G20-ի առաջնորդների գագաթնաժողովը
G20-ի առաջնորդների տասնութերորդ գագաթնաժողովը, որն այս տարի անցկացվում է Հնդկաստանի մայրաքաղաք Նյու Դելիում, մեկնարկել է դիմավորման պաշտոնական արարողությամբ: Հնդկաստանը «Մեծ քսանյակի» նախագահությունը ստանձնել է 2022 թվականի դեկտեմբերի 1-ից։ Նյու Դելիում G20-ի գագաթնաժողովը կանցկացվի սեպտեմբերի 9-10-ը։ Դրան հրավիրված են «քսանյակի» բոլոր ղեկավարները, ինչպես նաև ևս 9 երկրների՝ Բանգլադեշի, Եգիպտոսի, Իսպանիայի, Մավրիկիոսի, Նիգերիայի, Նիդերլանդների, Արաբական Միացյալ Էմիրությունների, Օմանի և Սինգապուրի ղեկավարները:
Հնդկաստանի վարչապետ Նարենդրա Մոդին ողջունել է գագաթնաժողովի առաջնորդներին և նրանցից յուրաքանչյուրի հետ հիշարժան լուսանկար արել:
Այնուհետև գագաթնաժողովի մասնակիցները մասնակցեցին գագաթնաժողովի առաջին նստաշրջանին։ Երկրի վարչապետ հանդես է գալիս նոր ցուցանակով: Հնդկաստանն առաջին անգամ մասնակցում է G20-ի գագաթնաժողովին, Բհարատ անվանման ներքո: Հիշեցնենք, որ երկիրը մտադիր է պաշտոնական մակարդակով փոխել անունը Բհարատ, քանի որ Հնդկաստանն ասոցացվում է գաղութային անցյալի հետ:
G20-ի առաջնորդների գագաթաժողովը կանոնավոր կերպով անցկացվում է տարին մեկ անգամ տարբեր երկրներում։ Այս տարի միջոցառումը 18-րդ անգամ կանցկացվի Հնդկաստանում ՝ «մեկ հող, մեկ ընտանիք, մեկ ապագա» խորագրի ներքո: Միջոցառման գլխավոր թեման կլինի կայուն աշխարհը:
«Քսանյակի» գագաթնաժողովին մասնակցում են ԱՄՆ նախագահ Ջո Բայդենը, Մեծ Բրիտանիայի վարչապետ Ռիշի Սունակը, Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը, Ճապոնիայի վարչապետ Կիսիդա Ֆումիոն, Հարավային Կորեայի նախագահ Յուն Սոկ Յելը, Սաուդյան Արաբիայի թագաժառանգ Մուհամեդ բեն Սալմանը, ՀԱՀ նախագահ Սիրիլ Ռամաֆոսան, Բանգլադեշի Ժողովրդական Հանրապետության վարչապետ Հասինա Վաջիդը, Արգենտինայի նախագահ Անդրես Ալբերտո Ֆերնանդեսը, Նիգերիայի նախագահ բոլա Ահմեդ Տինուբուն և Ավստրալիայի վարչապետ Էնթոնի Ալբանեզեն, Թուրքիայի նախագահ Ռեջեփ Թայիփ Էրդողանը: Միևնույն ժամանակ, Չինաստանի նախագահ Սի Ցզինպինը և Ռուսաստանի նախագահ Վլադիմիր Պուտինը ներկա չեն գագաթնաժողովին: Չինաստանը կներկայացնի ՉԺՀ պետխորհրդի վարչապետ Լի Ցյանը, իսկ Ռուսաստանը ՝ արտաքին գործերի նախարար Սերգեյ Լավրովը:
Աֆրիկյան միությունը պաշտոնապես ընդգրկվել է G20-ի կազմում: Այն ներկայացնում է 1,3 միլիարդ մարդու շահերը։ Այն բաղկացած է 54 միջազգայնորեն ճանաչված պետություններից և Արևմտյան Սահարայից։ Ավելի վաղ միակ տարածաշրջանային կազմակերպությունը, որը մտնում էր G20-ի կազմի մեջ, Եվրամիությունն էր։
