ՊՍԺ-ի նախագահ Նասեր Ալ-Խելաիֆին, ով նաև Եվրոպական ակումբների ասոցիացիայի նախագահն է, խոսել է բազմաթիվ ֆուտբոլիստների՝ Սաուդյան Արաբիա տեղափոխության մասին։ 

«Չեմ կարծում, որ Սաուդյան Արաբիայի առաջնությունը որևէ վտանգ է ներկայացնում եվրոպական ֆուտբոլի համար։ Եկեք կենտրոնանանք Եվրոպայի և մեր ակումբների վրա։ Մենք ունենք ամենամեծ և ամենակարևոր մրցաշարերը, և մենք ունենք լավագույն խաղացողները։ Ինձ պետք չէ մտածել, թե ինչ է տեղի ունենում Եվրոպայից դուրս։ Եկեք կենտրոնանանք միայն մեր առաջնությունների վրա»,- Ալ-Խելաիֆիի խոսքերն է մեջբերում Calciomercato-ն: 

Ալ-Խելաիֆին ավելի վաղ նոր ժամկետով վերընտրվել էր Եվրոպական ակումբների ասոցիացիայի նախագահի պաշտոնում։