«Պատերազմը դանդաղում է, մենք դա ընդունում ենք». Զելենսկի
Ուկրաինայի նախագահ Վլադիմիր Զելենսկին հայտարարել է, որ ռազմական գործողությունների տեմպերը և Ուկրաինայի զինված ուժերին օտարերկրյա սպառազինության մատակարարումը դանդաղում է։ Նրա խոսքերը հրապարակվել են պետության ղեկավարի կայքում։
«Պատերազմը դանդաղում է: Դա կա, մենք դա ընդունում ենք»,- ասել է նա։
Նրա խոսքով, «բոլոր գործընթացներն ավելի են բարդանում և դանդաղում»՝ սկսած հակառուսական պատժամիջոցների սահմանումից մինչև Կիև զենքի մատակարարում։
Նա նշել է, որ հակահարձակումն արագացնելու համար Կիևին անհրաժեշտ է ավելի շատ տեխնիկա արևմտյան երկրներից, այդ թվում՝ կործանիչներ։
