Մի՛ տրվեք սադրանքներին. Զախարովա
ՌԴ ԱԳՆ պաշտոնական ներկայացուցիչ Մարիա Զախարովան դիմել է Հայաստանում առաջին հայ-ռուսական մեդիաֆորումի մասնակիցներին՝ անդրադառնալով նախօրեին տեղի ունեցած իրադարձություններին:
Նա կոչ է արել չտրվել սադրանքներին՝ վստահություն հայտնելով, որ երկու եղբայրական ժողովուրդների ընդհանուր ապագան կդիմանա այդ ամենին։
Անցկացվող միջոցառումը ՌԴ ԱԳՆ պաշտոնական ներկայացուցիչը ճիշտ քայլ է անվանել։ Նա ընդգծել է, որ անգամ ամենակեղտոտ սադրանքները չեն հաջողվել (Գորիսում Միկա Բադալյանի և Աշոտ Գևորգյանի ձերբակալությունը - խմբ.), և համաժողովը կայացել է և դեռ աշխատելու է:
Հիշեցնենք՝ ավելի վաղ հայտնել էինք, որ ձերբակալվել են ռուսամետ բլոգեր Միկա Բադալյանն ու Sputnik Արմենիայի սյունակագիր Աշոտ Գևորգյանը նախօրեին Գորիսում։
