Կիևը բացառում է Հռոմի պապի միջնորդությունը Ուկրաինայի հակամարտության կարգավորման հարցում
Կիևը բացառում է Վատիկանի միջնորդությունը երկրում հակամարտության կարգավորման հարցում։ Այս մասին ասել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։
Նրա խոսքով՝ «իմաստ չկա խոսել Հռոմի պապի մասին՝ որպես միջնորդ», եթե նա «որդեգրի ռուսամետ դիրքորոշում, որը լիովին ակնհայտ է բոլորի համար»։
«Վատիկանը չի կարող որևէ միջնորդական գործառույթ ունենալ, քանի որ դա կլինի այնպիսի գործառույթ, որը կխաբի Ուկրաինային կամ արդարությանը»,-ասել է նա։ Ըստ Պոդոլյակի՝ Կիևը Վատիկանից «արդար գնահատական» չի ստանա տեղի ունեցողի վերաբերյալ։
