Հաջիևն ասել է, թե որ դեպքում է Ադրբեջանը պատրաստ թույլատրել ԿԽՄԿ-ին Հայաստանից օգնություն տեղափոխել Արցախ
Ադրբեջանը պատրաստ է թույլատրել Կարմիր խաչի միջազգային կոմիտեին (ԿԽՄԿ) Հայաստանից օգնություն տեղափոխել Լեռնային Ղարաբաղ, եթե Կարմիր մահիկի օգնությունը միևնույն ժամանակ մտնի այնտեղ։ Այս մասին «Ռոյթերզ»-ին ասել է Ադրբեջանի նախագահի օգնական Հիքմեթ Հաջիևը։
Նրա խոսքով՝ Լաչինի միջանցքն ու Ակնայի ճանապարհը կարող են բացվել միաժամանակ՝ որպես փորձնական ծրագրի մի մաս, որը կարող է թուլացնել լարվածությունը և առաջ մղել Երևանի ու Բաքվի միջև խաղաղության բանակցությունները։
Հիշեցնենք, որ ավելի վաղ հայտնել էինք՝ Բաքվից 40 տոննա ալյուրով բեռնված երկու բեռնատարները հասել են Ակնա (Աղդամ): Նշենք, որ արցախյան իշխանությունները արդեն իսկ հայտարարել են, որ վերոնշյալ քայլը որևէ կերպ իրենց հետ համաձայնեցված չի եղել։
