Արարատ Միրզոյանն ԱՄՆ պետքարտուղարի օգնականի հետ խոսել է Լաչինի միջանցքի մասին
ՀՀ արտաքին գործերի նախարար Արարատ Միրզոյանը Լաչինի միջանցքի հարցը քննարկել է ԱՄՆ պետքարտուղարի օգնականի պաշտոնակատար Յուրի Քիմի հետ հեռախոսազրույցի ընթացքում։ Տեղեկությունը նշված է նախարարի X- ի (նախկինում՝ Twitter) միկրոբլոգում։
«Հայաստանը վերահաստատել է իր դիրքորոշումը Լաչինի միջանցքի (որպես Հայաստանը Լեռնային Ղարաբաղին կապող միակ ճանապարհի) շրջափակումը Արդարադատության միջազգային դատարանի որոշման իրականացման շրջանակներում վերացնելու վերաբերյալ»,- նշված է գրառման մեջ։
Հեռախոսազրույցի ժամանակ ՀՀ արտաքին քաղաքական գերատեսչության ղեկավարն ընդգծել է Ադրբեջանի շարունակական ագրեսիվ քաղաքականությունը զսպելու անհրաժեշտությունը։
