Միկա Բադալյանը ձերբակալվել է «հրազենի ապօրինի շրջանառության» հոդվածով
Բլոգեր Միկա Բադալյանը քրեական վարույթի շրջանակներում ձերբակալվել է 72 ժամով՝ «հրազենի ապօրինի շրջանառության» հոդվածով, այդ մասին Sputnik Արմենիային հայտնել է նրա փաստաբան Էրիկ Ալեքսանյանը։
Հիշեցնենք՝ բացի Բադալյանից Գորիսում բերման է ենթարկվել նաև Sputnik Արմենիայի ռադիոյի սյունակագիր Աշոտ Գևորգյանը։
Համաձայն ՔԿ հաղորդագրության՝ Սյունիքի մարզում սեպտեմբերի 6-ին և 7-ին ձերբակալվել է թվով 7 անձ, այդ թվում Միկա Բադալյանը և Աշոտ Գևորգյանը։
«Մենք մտահոգված ենք ձերբակալվածների ճակատագրով և քայլեր ենք ձեռնարկելու կատարվածի հանգամանքները պարզելու ուղղությամբ»,–նշված է Հայաստանում Ռուսաստանի դեսպանատան հայտարարության մեջ:
