Մտահոգված ենք ձերբակալվածների ճակատագրով. ՀՀ–ում ՌԴ դեսպանատունը՝ Միկա Բադալյանի և Աշոտ Գևորգյանի ձերբակալության մասին
Հայաստանում Ռուսաստանի դեսպանատունն անդրադարձել է ՌԴ քաղաքացի, բլոգեր և ակտիվիստ Միկա Բադալյանի և Sputnik Արմենիա լրատվական գործակալության ռադիոկայանի սյունակագիր Աշոտ Գևորգյանի ձերբակալությանը։
Ինչպես հայտնել էինք` ռազմամթերքի ապօրինի շրջանառության կասկածանքով Սյունիքի մարզում սեպտեմբերի 6-ին և 7-ին ձերբակալվել է թվով 7 անձ, այդ թվում Միկա Բադալյանը և Աշոտ Գևորգյանը։
ՀՀ–ում ՌԴ դեսպանատան մամուլի ծառայության փոխանցմամբ՝ դիվանագետները կապի մեջ են լրատվական գործակալության խմբագիրների հետ և ուշադիր հետևում են իրավիճակի զարգացմանը։
«Մենք մտահոգված ենք ձերբակալվածների ճակատագրով և քայլեր ենք ձեռնարկելու կատարվածի հանգամանքները պարզելու ուղղությամբ»,–նշված է հաղորդագրության մեջ։
