Ֆրանսիան ԱԹՍ-ներ կմատակարարի Կիևին
Ֆրանսիան հայտարարել է Կիև անօդաչու սարքերի մատակարարումների մեկնարկի մասին, գրում է Говорит Москва-ն։
Ավելի քան 150 անօդաչու թռչող սարքեր, որոնք արտադրվել են Delair ընկերության կողմից, որի կենտրոնակայանը գտնվում է Թուլուզում, կհանձնվեն Ուկրաինային։
Նշվում է, որ համապատասխան հայտարարությունն արել է երկրի զինված ուժերի նախարար Սեբաստյան Լեկորնուն։
Ավելի վաղ Ֆրանսիան Ուկրաինային մատակարարել էր «Caesar» ինքնագնաց հրետանային կայանքներ և «Crotale» հակաօդային համակարգեր։ Փարիզը նաև ուղարկել է Կիև զրահատեխնիկա, «AMX-10 RC» թեթև անիվներով տանկեր, «Milan» հակատանկային հրթիռներ, «Mistral» դյուրակիր հակաօդային պաշտպանության համակարգեր, ֆրանս-իտալական «SAMP/T» հակաօդային պաշտպանության համակարգեր։ Բացի այդ, մատակարարվել են ֆրանսիական հեռահար «SCALP» հրթիռներ։
