ՏԵՍԱՆՅՈՒԹ․ Ալբանիայի վարչապետը Պուտինի և Պրիգոժինի մասին անեկդոտ է պատմել

Ալբանիայի վարչապետ Էդի Ռաման պատմել է մի անեկդոտ, որտեղ ակնարկել է Պուտինի մասնակցությունը «Վագներ» մասնավոր ռազմական ընկերության ղեկավար Եվգենի Պրիգոժինի սպանությանը։

Սլովենիայում Բլեդի ռազմավարական ֆորումում նա հարցրեց ֆորումի մասնակիցներին, թե արդյոք նրանք գիտեն, որ Ռուսաստանը ցանկանում է միավորել իր ժամային գոտիները՝ իր տարածքների երկու ծայրերի միջև մեծ տարբերության պատճառով: Դրանից հետո նա մի անեկդոտ է պատմել, որը ներկաների մոտ ծիծաղ է առաջացրել: 

«Վարչապետը գնում է Պուտինի մոտ և ասում՝ խնդիր կա։ Ընտանիքս արձակուրդում էր, զանգեցի՝ բարի գիշեր ասելու, բայց արդեն առավոտ էր։ Ես զանգահարեցի Օլաֆ Շոլցին՝ շնորհավորելու ծննդյան տարեդարձը, բայց նա ասաց, որ դա կլինի հաջորդ օրը: Ես զանգահարեցի Սի Ծինփինին՝ շնորհավորելու նրան Նոր տարին, բայց նա ինձ ասաց, որ դեռ հին տարի են ապրում»: Իսկ Պուտինը պատասխանում է. «Այո, դա ինձ հետ էլ է պատահել: Ես զանգահարեցի Պրիգոժինի ընտանիքին՝ ցավակցություն հայտնելու համար, սակայն նրա ինքնաթիռը դեռ օդ չէր բարձրացել»,- ասել է Ռաման։