Պուտինը պատմել է, թե ինչպես է Արևմուտքը խաբել Ռուսաստանին
Ռուսաստանի նախագահ Վլադիմիր Պուտինը Թուրքիայի առաջնորդ Ռեջեփ Թայիփ Էրդողանի հետ հանդիպումից հետո կայացած մամուլի ասուլիսի ժամանակ ասել է, որ Արևմուտքը խաբել է Ռուսաստանին հացահատիկի գործարքի մարդասիրական բնույթի վերաբերյալ։
«Արևմուտքը, մեղմ ասած, խաբեց մեզ սևծովյան նախաձեռնության՝ զարգացող երկրներին աջակցելու հումանիտար նպատակների վերաբերյալ», - ասել է պետության ղեկավարը։
Նրա խոսքով, Ուկրաինայից արտահանված 32,8 մլն տոննա բեռներից ավելի քան 70 տոկոսն ուղղվել է հարուստ երկրներ, առաջին հերթին՝ ԵՄ երկրներ։
Նա նշել է, որ կարիքավոր երկրների բաժինը կազմել է ընդամենը 3 տոկոս՝ 1 մլն տոննայից պակաս։
Պուտինը նաև ասել է, որ մինչ Ռուսաստանն ապահովում էր հացահատիկային միջանցքի երկայնքով անվտանգությունը, «մյուս կողմը» հումանիտար միջանցքներն օգտագործում էր ահաբեկչական հարձակումների համար։
