«Երեկվա իրադարձությունները կարմիր գծի հատում են». Իսրայելի վարչապետ
Իսրայելի վարչապետ Բենիամին Նեթանյահուն հայտարարել է, որ երկրից վտարելու են անօրինական միգրանտներին, որոնք մասնակցել են Թել Ավիվում Էրիթրեայի դեսպանատան անկարգություններին։ Գրել է Times of Israel-ը։
Նա նաև նշել է անօրինական միգրացիան Աֆրիկայից որպես իրական խնդիր Իսրայելի ապագայի համար:
«Երեկվա իրադարձությունները կարմիր գծի հատում են։ Սա անկարգություններ և արյունահեղություն է, սա մի բան է, որը մենք չենք կարող ընդունել։ Մենք պահանջում ենք կոշտ միջոցներ ձեռնարկել անկարգությունների դեմ, ներառյալ նրանց անհապաղ արտաքսումը»,- ասել է Նեթանյահուն նախարարների հետ հանդիպման ժամանակ։
Հանդիպմանը Բենիամին Նեթանյահուն համապատասխան գերատեսչություններին հանձնարարել է մշակել մնացած անօրինական միգրանտների արտաքսման ծրագիրը։
Վարչապետը նշել է, որ Իսրայելը նախկինում պարիսպ է կառուցել Եգիպտոսի հետ սահմանին՝ անօրինական միգրացիան կանխելու համար։
Սեպտեմբերի 2-ի առավոտյան, Թել Ավիվում Էրիթրեայի դեսպանատան մոտ բախումներ էին սկսել Էրիթրեայում։
Գործողությունների մասնակիցները տակնուվրա էին արել դահլիճը, որտեղ պետք է անցկացվեր միջոցառումը՝ ի պատիվ երկրի ներկայիս ղեկավար Իսայա Աֆևորկիի իշխանության գալու 30-ամյակի, վնասել են խանութներ ու մեքենաներ։ Ոստիկանությունը միջամտել էր Էրիթրեայում գործող վարչակազմի կողմնակիցների և նրա հակառակորդների մասնակցությամբ անկարգություններին, ուժայինները կրակ են բացել։
Ավելի քան 150 մարդ տուժել է, այդ թվում՝ 30 ոստիկան։ Ոստիկանությունը հայտնել է, որ բախումների ընթացքում ձերբակալվել է 39 մարդ։
