Թրամփը վստահություն է հայտնել, որ բանտում չի հայտնվելու

ԱՄՆ նախկին նախագահ Դոնալդ Թրամփը ամերիկացի ռադիոհաղորդավար Գլեն Բեքին տված հարցազրույցում ասել է, որ չի վախենում հայտնվել ճաղերի հետևում, քանի որ իր դեմ հարուցված քրեական գործերը համարում է «խաբեբայության» արդյունք։ Այս մասին հայտնում է РИА Новости-ն։

«Չեմ կարծում, որ դա տեղի կունենա։ Յուրաքանչյուր դեպք խաբեություն է»,- ասել է Թրամփը։

ԱՄՆ նախկին նախագահի խոսքով՝ իրեն հետապնդում են «վատ, հիվանդ մարդիկ»։ Նա նաև հավելել է, որ այժմ ավելի շատ երկրպագուներ ունի, քան երբևէ։

Մինչ այս Վաշինգտոնի դատարանը հրաժարվել էր հետաձգել Թրամփի պաշտպանությունը մինչև 2026 թվականը։ Օգոստոսի 28-ին հայտնի դարձավ, որ Թրամփի ներկայանալը Ջորջիա նահանգի դատարան՝ մեղադրանքի պաշտոնական ներկայացման համար նախատեսված է սեպտեմբերի 6-ին։