ՀՀ ՊՆ-ն անհետ կորած զինծառայողների ծնողների և պաշտոնյաների քաշքշուկի վերաբերյալ լուրերի մասին
Անհետ կորած զինծառայողների ծնողները պաշտպանության նախարարությունում են: Նրանք հանդիպել են փոխնախարար Արման Սարգսյանի հետ:
Համացանցում լուրեր են շրջանառվում, որ հանդիպումը բավական լարված է անցել հրմշտոց վիրավորանքներ և այլն:
Նշվում էր, որ այսօր ծնողները պետք է հանդպեին պաշտպանության նախարար Սուրեն Պապիկյանի հետ:
Auroranews-ը կապ հաստատեց Պաշտպանության նախարարության մամուլի խոսնակ Արամ Թորոսյանի հետ՝ հասկանալու համար՝ արդյոք տարածվող տեղեկությունները համապատասխանում են իրականությանը:
Թորոսյանը մեզ հետ զրույցում նշեց, որ պաշտպանության փոխնախարարը հանդիպել է ծնողներին, և նա ծնողներին հայտնել է պաշտպանության նախարարի պատրաստակամությունը առաջիկայում անհատական հանդիպումներ ունենալ ծնողների հետ:
Ճշտող հարցին որևէ միջադեպ տեղի չի՞ ունեցել, Պաշտպանության նախարարության մամուլի խոսնակը պատասխանեց, որ ոչ:
