20-ամյա վարորդը Лада-ով Սուրբ Կարապետ եկեղեցի գնալու ճանապարհին մի քանի մետր գլորվել և գլխիվայր հայտնվել է ձորում
Երեկ՝ օգոստոսի 26-ին, խոշոր ավտովթար է տեղի ունեցել Արարատի մարզում: Ժամը 20:00-ի սահմաններում Արարատի մարզի բնակիչ, 20-ամյա Աշոտ Ն.-ն իր վարած Лада 202140 մակնիշի ավտմեքենայում Լուսաշող գյուղի վարչական տարածքում գտնվող Սուրբ Կարապետ եկեղեցու ճանապարհին, դեռևս անհայտ հանգամանքներում, կորցրել է ավտոմեքենայի կառավարումը, դուրս է եկել երթևեկելի գոտուց և մի քանի պտույտ գլորվելով՝ գլխիվայր հայտնվել ձորում:
Վթարի հետևանքով Աշոտ Մ.-ն և նրա ուղևոր, Արարատի մարզի բնակիչ, 20-ամյա Արայիկ Գ.-ն մարմնական վնասվածքներով տեղափոխվել են «Վեդի» բժշկական կենտրոն:
Բժիշկները վիրավորներին մինչև հիվանդանոց տեղափոխելը տեղում առաջին բուժօգնությունն են ցուցաբարել:
Վթարի փաստով Վեդիի քննչական բաժնում նախաձեռնվել է վարույթ:
