Լուկաշենկոն Սիրիային աջակցություն է խոստացել
Բելառուսի նախագահ Ալեքսանդր Լուկաշենկոն Բաշար Ալ Ասադին ուղղված իր շնորհավորանքում ասել է, որ Մինսկը պատրաստ է աջակցել Սիրիային հետհակամարտային շինարարության փուլում։
Բելառուսական պետության ղեկավարի մամուլի ծառայությունից հայտնում են, որ այս մասին Լուկաշենկոն ասել է՝ շնորհավորելով Սիրիայի Արաբական Հանրապետության նախագահ Բաշար Ալ Ասադին, բելառուսա-սիրիական դիվանագիտական հարաբերությունների հաստատման 30-ամյակի կապակցությամբ։
«Բելառուսը միշտ մոտ է եղել Սիրիային, օգնության ձեռք է մեկնել դժվարին ժամանակներում: Վստահեցնում եմ մեր պատրաստակամությունը՝ շարունակելու աջակցել եղբայրական սիրիացի ժողովրդին հետհակամարտային շինարարության փուլում», – ասել է նա։
