Իրաքի իշխանությունները որոշում են կայացրել ապաարգելափակել Telegram-ը
Իրաքի հաղորդակցությունների նախարարությունը խոստացել է, որ օգոստոսի 13-ին, երկրում կապաարգելափակի Telegram մեսենջերը։ Տեղեկությունը հայտնում է «ՌԻԱ Նովոստի»-ն։
Նշվում է, որ մեսենջերի սեփականատեր ընկերությունը համաձայնել է կատարել Իրաքի անվտանգության մարմինների պահանջները և կբացահայտի կողմերին, ովքեր թույլ են տվել քաղաքացիների անձնական տվյալների արտահոսք։ Ընկերությունը նաև հայտնել է իր լիակատար պատրաստակամությունը՝ համագործակցելու երկրի իշխանությունների հետ;
Իրաքի հաղորդակցությունների նախարարությունն ընդգծել է, որ իրենք դեմ չեն կարծիք արտահայտելու ազատությանը, սակայն նշում են սոցիալական ցանցերի սեփականատեր ընկերությունների՝ երկրի օրենքներին ենթարկվելու պարտավորությունների կարևորությունը։
Նշենք, որ օգոստոսի 6-ին Իրաքի հաղորդակցությունների նախարարությունը հայտարարեց երկրում հանրահայտ Telegram մեսենջերի արգելափակման մասին՝ տեղի իշխանությունների խնդրանքով։
