Ռուսաստանում VPN-ների նոր արգելափակումներ են սկսվել

Ռուսաստանում VPN ծառայությունների մի մասը հայտնել է, որ  աշխատանքում խափանումներ և արգելափակումներ կան։ Այս մասին գրում է «Մեդուզա»-ն՝ հղում անելով Amnezia, Paper VPN և մի շարք այլ ծառայությունների հայտարարություններին։

Paper VPN-ը հայտնել է, որ որոշ օգտատերեր չեն կարողանում միանալ ծառայությանը կամ այն դանդաղ է աշխատում ։ Ընկերությունը նշել է, որ արդեն ուսումնասիրում է խնդիրը և փորձում է հնարավորինս արագ վերականգնել բնականոն աշխատանքը։ Մինչ այդ օգտատերերին խորհուրդ է տրվել սպասել կամ փոխել սերվերի տեղակայման երկիրը։

Պաշտոնապես դեռ չի հայտարարվել, թե ինչն է դարձել խափանումների պատճառը։ Սակայն ավելի վաղ РБК-ն, հղում անելով իր աղբյուրներին, հայտնել էր, որ Ռուսաստանի Թվային զարգացման նախարարությունը պատրաստվում է խստացնել կորպորատիվ VPN-ների IP հասցեների վերահսկողությունը։ Այդ VPN-ները նախկինում ընդգրկված էին հատուկ ցանկում և չէին արգելափակվում, սակայն նոր փոփոխություններից հետո դրանց մի մասի աշխատանքը նույնպես կարող է սահմանափակվել։