Արևմուտքն անտարբեր է Հայաստանում ադրբեջանական ագրեսիայի նկատմամբ․ Jacobin-ի անդրադարձը

Արևմուտքն անտարբեր է Հայաստանում ադրբեջանական ագրեսիայի նկատմամբ, քանի որ Ադրբեջանն Արևմուտքի համար կարևոր գործընկեր է արևմտյան էներգետիկ անվտանգության համար։ Արևմուտքն անհրաժեշտ պահին ժողովրդավարական Հայաստանին թողնում է սահմանափակ աջակցությամբ։ Այս մասին հոդված է հրապարակել Jacobin.com-ը, որում, մասնավորապես նշված է․

Հայերը կրկին կանգնած են բնաջնջման առջև.

Մեկ դար առաջ օսմանցիները տեղահանեցին ու կոտորեցին նրանց՝ հայերին՝ Հայոց ցեղասպանության ժամանակ։ Արևմուտքի և Իսրայելի աջակցությամբ Ադրբեջանը «մաքրում է» հայերին իր տարածքից և մասնատում Հայաստանը:

Չնայած այս ամենին՝ Արևմուտքն Ադրբեջանի դեմ ներդրումների և պատժամիջոցների փոխարեն իրականում մեծացրել է տնտեսական և ռազմական համագործակցությունը։

Պատմությունը կրկնվում է

Հայաստանն ու Ադրբեջանը կռվում են Խորհրդային Միության փլուզումից հետո։ Միության փլուզմամբ խորհրդային հանրապետությունները բաժանվեցին պետությունների: Սա հանգեցրեց բռնությունների՝ էթնիկ փոքրամասնությունների դեմ: Ե՛վ Ադրբեջանում հայերը, և՛ Հայաստանում ադրբեջանցիները ենթարկվել են էթնիկ զտումների։

Այն բանից հետո, երբ Ադրբեջանն անկախացավ, նա չեղյալ հայտարարեց Արցախի ինքնավարությունը և սկսեց պաշարել մայրաքաղաք Ստեփանակերտը։ Ի պատասխան սրան՝ Արցախը հռչակեց իր անկախությունը և Հայաստանի հետ կռվեց Ադրբեջանի դեմ։ Երբ պատերազմն ավարտվեց 1994 թվականին, Արցախը գտնվում էր հայկական բանակի վերահսկողության տակ։

Ամեն ինչ փոխվեց երկու տասնամյակի ընթացքում․ 2020 թվականին Լեռնային Ղարաբաղի Երկրորդ պատերազմի՝ 44-օրյա պատերազնի սկսվելուց անմիջապես հետո ԱՄՆ նախագահ Ջո Բայդենը կրկին պարտավորվեց ընդունել Ադրբեջանին ռազմական օգնություն տրամադրելը մերժող բանաձև։ Դրանից հետո Բայդենը չեղարկեց իր որոշումը։

Մանրամասները՝ սկզբնաղբյուրում