41 տարեկան հասակում մահացել է դարպասապահ Վենիամին Մանդրիկինը

41 տարեկանում մահացել է Մոսկվայի ԲԿՄԱ-ի և Ռուսաստանի հավաքականի նախկին դարպասապահ Վենիամին Մանդրիկինը։ Այս մասին հաղորդում է մոսկովյան ակումբի մամուլի ծառայությունը։

Նշվում է, որ դարպասապահը մահացել է սրտի կաթվածից։ 2010թ․ նոյեմբերին տեղի ունեցած ավտովթարում Մանդրիկինը ստացել էր ողնաշարի կոտրվածք և այդ պահից անկողնային հիվանդ էր։

Մանդրիկինը պրոֆեսիոնալ կարիերան սկսել է Վլադիկավկազի «Ալանիայում»։ ԲԿՄԱ-ի խաղացող է եղել է 2001-2010 թվականներին՝ դառնալով Ռուսաստանի եռակի չեմպիոն, կրկնակի փոխչեմպիոն, բրոնզե մեդալակիր, Ռուսաստանի քառակի գավաթակիր, եռակի սուպերգավաթակիր, ՈւԵՖԱ-ի գավաթակիր։ Մանդրիկինը վարձակալությամբ հանդես է եկել նաեւ «Ռոստովում», «Տոմում», Նալչիկի «Սպարտակում», Բրյանսկի «Դինամոյում»։ Ռուսաստանի հավաքականում Մանդրիկինն անցկացրել է 2 հանդիպում։