«Սև ծովով հացահատիկի գործարքի շարունակումն առանց ռուսների չի լինի». Թուրքիայի արտգործնախարար

Թուրքիայի արտաքին գործերի նախարար Հաքան Ֆիդանն ասել է, որ Սև ծովով հացահատիկի գործարքի շարունակումն անհնարին է առանց Ռուսաստանի մասնակցության: 

«Ուկրաինան փորձում է այլընրանքային ուղի մշակել, բայց մենք՝ որպես թուրքական կողմ, համոզված ենք, որ հարկ է ռուսներին վերադարձնել բանակցային սեղանի շուրջ: Ցանկացած այլ տարբերակ վտանգավոր կլինի, դա մենք նշել ենք նաև ՄԱԿ-ի գլխավոր քարտուղարի հետ հարցը քննարկելիս, առանց ռուսների չի լինի»,- ասել է Ֆիդանը:

Նրա խոսքով, վերջին հեռախոսազրույցում ռուսաստանցի գործընկեր Սերգեյ Լավրովը մանրամասնորեն ներկայացրել է գործարքը չերկարաձգելու որոշման Մոսկվայի պարզաբանումները: