G20 ներկայացուցիչները չեն կարողացել կոնսենսուսի գալ վերջնական փաստաթղթի շուրջ․ ET
Մեծ քսանյակի (G20 - Մեծ 20) ներկայացուցիչներն էներգետիկ անցման աշխատանքային խմբի նիստում չեն կարողացել կոնսենսուսի գալ վերջնական փաստաթղթի շուրջ, այդ թվում՝ Ուկրաինայի շուրջ տարաձայնությունների պատճառով։ Այս մասին գրել է Economic Times-ը։
Վկայակոչելով սեփական աղբյուրները՝ թերթը հաղորդել է, որ նախարարների հանդիպման նախօրեին համաձայնեցվել է կոմյունիկեի տեքստի շուրջ 60%-ը։ Մասնավորապես, հակասությունները շարունակվում են Ուկրաինային վերաբերող պարբերության շուրջ, որը դատապարտում է Ռուսաստանի գործողությունները։
Դեմ են արտահայտվել Ռուսաստանի Դաշնության և Չինաստանի ներկայացուցիչները։ Չկա նաև կոնսենսուս ջրածնային վառելիքի դասակարգման վերաբերյալ:
Հրատարակությունը նշել է, որ ՉԺՀ-ի պատվիրակները բարձրացրել են «կարևոր հանքային հումքի» որոշման չափանիշները, որոնք, մասնավորապես, ներառում են հազվագյուտ հողային մետաղներ, որոնց արտադրության առաջատարը Չինաստանն է։
Աշխատանքային խմբի բանակցությունները տեղի են ունեցել հուլիսի 19-20-ը։ Շաբաթ օրը Գոայում այս բանակցությունների արդյունքները կամփոփեն G20 երկրների համապատասխան նախարարները։
