Օլիմպիական կրկնակի չեմպիոն Ելենա Իսինբաևային դատի են տվել․ հայտնի է պատճառը

Ռուսաստանի Վոլգոգրադի շրջանի կառավարությունը դատի է տվել ձողացատկ մարզաձևում օլիմպիական կրկնակի չեմպիոն Ելենա Իսինբաևային՝ ավտոկայանատեղիների պարտքերի պատճառով։ Այս մասին տեղեկանում ենք Baza թելեգրամյան ալիքից։ Սա զարմանալիորեն համընկել է այն սկանդալի հետ, որի մեջ օրերս հայտնվել է օլիմպիական չեմպիոնը։

Իսինբաևային հայց է ներկայացվել 40 քմ տարածքով երկու կայանատեղի պատճառով։ Դրանք պատկանում են մարզուհուն, բայց հողատարածքը, որի վրա գտնվում է կայանատեղին, պատկանում է Վոլգոգրադի քաղաքապետարանին, և վայրերի սեփականատերերը պարտավոր են նրա հետ պայմանագիր կնքել և վարձավճար վճարել: Սակայն Իսինբաևան չի ստորագրել անհրաժեշտ փաստաթղթերը և ոչինչ չի փոխանցել իշխանություններին 2019 թվականից։ Արդյունքում նա ունի 27400 ռուբլի պարտք։

Հիշեցնենք, որ El Digital Sur-ի իսպանական հրատարակության լրագրողները հայտնել էին, որ մարզուհին ապրում է Կանարյան կղզիներում և այնտեղ մոտ 200 քմ մակերեսով տուն ունի։ Միևնույն ժամանակ, հրատարակությունը զարմանում էր, թե ինչու է Ռուսաստանի Դաշնության ներկայիս իշխանությունների՝ մայորի կոչումով համակիրը ապրում ՆԱՏՕ-ի երկրում։ 

Մարզուհի Իսինբաևան պատասխանել էր նյութին, իրեն անվանելով «աշխարհի մարդ» և նշել, որ իր զինվորական կոչումը «անվանական» է և շնորհվել է ԲԿՄԱ-ում (ЦСКА)-ում իր ելույթի համար: