Քաղաքականություն

Պուտինը չի մասնակցի ԲՐԻԿՍԻ-ի գագաթնաժողովին. հայտնի է՝ ով նրան կփոխարինի

Պուտինը չի մասնակցի ԲՐԻԿՍԻ-ի գագաթնաժողովին. հայտնի է՝ ով նրան կփոխարինի
Հարավաֆրիկյան Հանրապետության նախագահ Սիրիլ Ռամաֆոսայի գրասենյակից հայտնել են, որ երկրում կայանալիք ԲՐԻԿՍ-ի գագաթնաժողովում ՌԴ-ն կներկայացնի արտգործնախարար Սերգեյ Լավրովը։ Ռուսաստանի նախագահ…

Հարավաֆրիկյան Հանրապետության նախագահ Սիրիլ Ռամաֆոսայի գրասենյակից հայտնել են, որ երկրում կայանալիք ԲՐԻԿՍ-ի գագաթնաժողովում ՌԴ-ն կներկայացնի արտգործնախարար Սերգեյ Լավրովը։ Ռուսաստանի նախագահ Վլադիմիր Պուտինը, որը կարող է ձերբակալվել Հարավային Աֆրիկայում Միջազգային քրեական դատարանի (ՄՔԴ) որոշմամբ, չի մասնակցի գագաթնաժողովին, գրում է kommersant.ru-ն:

Ռամաֆոսայի կայքում տեղադրված մամուլի հաղորդագրությունում ասվում է, որ գագաթնաժողովին անձամբ կմասնակցեն Բրազիլիայի, Հնդկաստանի, Չինաստանի և Հարավային Աֆրիկայի ղեկավարները։

«Փոխադարձ համաձայնությամբ ՌԴ նախագահ Վլադիմիր Պուտինը չի մասնակցի գագաթնաժողովին, սակայն Ռուսաստանի Դաշնությունը կներկայացնի արտգործնախարար Սերգեյ Լավրովը»,- հայտնել են ՀԱՀ նախագահի գրասենյակից։

Մարտին ՄՔԴ-ն Պուտինի և Ռուսաստանի երեխաների իրավունքների օմբուդսմեն Մարիա Լվովա-Բելովային ձերբակալելու օրդեր է տվել: Ըստ դատարանի՝ նրանք «ենթադրաբար պատասխանատու են Ուկրաինայից բնակչության (երեխաների) անօրինական արտաքսման հետ կապված ռազմական հանցագործությունների համար»։ Հարավային Աֆրիկան ենթակա է ՄՔԴ-ի իրավասությանը, սակայն Ռամաֆոսան ասել էր, որ Ռուսաստանի նախագահի ձերբակալությունը ՄՔԴ-ի հրամանով հավասարազոր կլինի պատերազմ հայտարարելու:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7385) Միջազգային (3227) ԱՄՆ (2279) Ռուսաստան (2092) Իրան (1732) Ընտրություններ (1272) Ուկրաինա (821) Երևան (797) Իսրայել (758) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (428) Ազգային ժողով (407)

Radio Aurora

Լսել Radio Aurora

Գովազդային տարածք

300x250