«Աշխարհը սկսում է հոգնել». Բրազիլիայի նախագահ
Տարբեր պետություններ սկսել են հոգնել ուկրաինական հակամարտությունից, բայց ժամանակի ընթացքում խաղաղություն կգա, որին հնարավոր կլինի հասնել միջնորդների ջանքերի շնորհիվ։ Այս մասին չորեքշաբթի Բրյուսելում լրագրողներին հայտնել է Բրազիլիայի նախագահ Լուիս Ինասիո Լուլա դա Սիլվան։
«Աշխարհը սկսում է հոգնել: Երկրները սկսում են հոգնել: Կգա պահը, երբ խաղաղություն կլինի: Եվ այդ ժամանակ կհայտնվեն մի խումբ երկրներ, որոնք կկարողանան խոսել Ռուսաստանի և Ուկրաինայի հետ»,-ասել է նա։
Լուլա դա Սիլվան Բելգիայի մայրաքաղաքում մասնակցել է ԵՄ-ի և Լատինական Ամերիկայի ու Կարիբյան ավազանի երկրների համայնքի (CELAC) գագաթնաժողովին։
