Կլիչկոն՝ պատերազմի եւ Ուկրաինայի նախագահի պաշտոնում առաջադրվելու մասին
Նախկին բռնցքամարտիկ և Կիևի ներկայիս քաղաքապետ Վիտալի Կլիչկոն հուլիսի 14-ին հայտարարել է, որ պատրաստ է իր թեկնածությունը ներկայացնել Ուկրաինայի նախագահական ընտրություններում։ Այս մասին նա ասել է «Ձախ ափ» ուկրաինական խմբագրությանը տված հարցազրույցում։
«Եթե իմ գիտելիքը, իմ էներգիան և փորձը անհրաժեշտ լինի Ուկրաինան եվրոպական դարձնելու համար, ես ամեն ինչ կտամ և տալիս եմ դրա համար»,- ասել է Կիևի քաղաքապետը։
Նա նշել է, որ այս թեմայով ավելի մանրամասն կկարողանա խոսել, երբ սկսվի նախընտրական քարոզարշավը։ Մասնավորապես, նրա կարծիքով, Ուկրաինայում նախագահական ընտրությունների մասին հնարավոր կլինի խոսել միայն ռազմական գործողությունների ավարտից հետո։
